GHAZAL

USAKI EK DUNIYAA HUN MAIN AUR MERII IK DUNIYA HAI WO

DASHT MEN TANHAA HUU.N MAIN AUR SHAHR ME TANHAA HAI WO

MAI.N BHI KAISAA AA.IINA HU.N AA.IINAA -DAR- AA.IINAA

DUUR TAK CHEHRA-BA-CHEHRA BAS NAZAR AATAA HAI WO

KHWAAB KYAA HAI EK KHANDAR HAI YE KHANDAR KITNA HASI.N

IS KHANDAR ME SAIR KARNE KE LIYE AATAA HAI WO

USAKI KHUSHBOO SE MAHAK KAR PHOOL BAN JAATAA HAI DIL
MAUSAME GUL KI TARAH AATAA HAI WO JAATAA HAI WO

ZINDAGI APNI MUSALSAL CHAAHATO.N KA IK SAFAR
IS SAFAR ME.N BAAR-HAA MIL KAR BICHHAD JAATAA HAI WO

MAI.N SARAAPAA AARZOO HU.N AARAZOO-E-NATAMAAM
MUJHAKO HAR MANZIL SE AAGE KI KHABAR DETA HAI WO

HUSN KYAA HAI EK GHAZAL HAI ASHK EK TAAZAA GHAZAL

JAAM HAI MEENA HAI WO SAAGAR HAI WO SAHBAA HAI WO