Tuesday 17 February 2015

Sunday 15 February 2015

Friday 13 February 2015

JISM PAR TAIRTA HUWA JADU,,,,

==GHAZAL==
IBRAHIM ASHK
Aarzoo kya hai iltija kya hai
Hum se poochho ke muddua kya hai
Ishq ke baad jaan jaoge
Ibtida kya hai, Inteha kya hai
Jaan kar bhi mite hi jaate hain
Kis se poochhen ye silsila kya hai
Un se mil kar ajeeb hai Aalam
Kuchh huwa hai, magar huwa kya hai
Bekhudi main kise hai yh maaloom
Dard kya cheez hai , Dawa kya hai
Chal rahe hain yh jaante hi nahin
manzilen kya hain , Rasta kya hai.
Jism par tairta huwa jaadoo,
aur iske siwa adaa kya hai
zakhm maange hai aur dil apna,
Charahgar humse poochhta kya hai ?
Hai asar to use duwa kahiye,
Beasar hai to wo duwa kya hai.
Aake shahr-e-wafa main jaan gaye,
Khushbuyen kya hain aur Hawa kya hai.
Azmat-e-shaer hum bhi rakhte hain,
Koee poochhe ke martaba kya hai.

APNA ALAG MAIYAAR HAI,,,,

===GHAZAL===
Talkhi-e-ahsaas-e-ghum ka baar hai
Zindgi aasa'n nahin dushwaar hai
koee toofa'n hai jaha'n main har taraf
Paaun se lipti huee manjhdaar hai
Har taraf Deewane hain Masnad-nashee'n
Kya niraala ishq ka darbaar hai
Jhad gaye sab baal-o-par to kya huwa
Aaj bhi udne ko dil tayyar hai
Aankh main simti huee hai kaaynaat,
Har nazara waadi-e-gulzaar hai.
Saans bhi ik thais hai dil ke liye,
Apni hasti Aaeena-bardaar hai.
Kitni dilkash hai jaha'n ki Anjuman,
Har koee apni jagah Funkaar hai
Raasta phir bhi bana lete hain hum,
Har qadam par chahe ik deewar hai.
Yun to shair hain jaha'n main sainkdon,
Haan magar, Apna alag Maiyaar hai.
IBRAHIM ASHK

Tuesday 10 February 2015

KYA KIRAN BEDI

KYA KIRAN BEDI NE KEJRIVAAL SE MIL KAR BJP KO HARAYA HAI ? APNI RAAY KA IZHAAR KAREN