Sunday 29 June 2014

naat sharif

NAAT SHAREEF BY IBRAHIM ASHK

TASWEER BADAL DE JO INSA'N KE MUQADDAR KI.
AAMAD HAI ZAMANE MAIN IK AISE PAYAMBAR KI.

TUNE TO DOALAM KA YE NOOR LAPETA HAI,
KYA KHOOB HALIMA HAI AZMAT TERI CHADAR KI.

BE KHOF-O-KHATAR HO KAR, SOYE HAIN ALI JIS PAR,
THI MAUT HIFAZAT MAIN,USS MAULA KE BISTAR KI.


JIS BUT KO KO GIRAYA HAI USNE YE SADAYEN DI,
KABE MAIN HAQEEQAT AB KHULNE LAGI PATTAR KI.


JISKO MERE MAULA NE MUTHTHI MAIN CHUPAYA HAI,
KYA SHAAN NIRALI HAI USS BOLTE KANKAR KI.


KITNA HI ANDHERA HO,BADHTA HI CHALA JAYE,
RAFTAR NA KAM HOGI IMAN KE LASHKAR KI.


WO RAHMAT-E-ALAM HAIN, SAB PAR HAI KARAM UNKA,
AYE "ASHK" YE AZMAT HAI, ISLAM KE RAHBAR KI.

No comments:

Post a Comment